بالی وڈ کے سپراسٹار سنیل شیٹی نے اپنے داماد اور بھارت کے مشہور بیٹر کے ایل راہول کے ساتھ اپنی تصاویر شیئر کردیں۔
مڈل آرڈر بیٹر کے ایل راہول ایشیا کپ سے عمدہ فارم میں موجود ہیں اور آئی سی سی ورلڈکپ میں بھی انھوں نے ٹیم کی ضروت کے لحاظ سے اچھی بیٹنگ کا مظاہرہ کیا ہے۔ اب عالمی کپ کے دوران سنیل شیٹی نے اپنے داماد کے ساتھ تصویر شیئر کی ہے۔
سوشل میڈیا پلیٹ فارم انسٹا گرام پر جاری کی جانے والی تصویر میں کے ایل راہول اور سنیل شیٹی سیاہ لباس میں ملبوس ہیں جبکہ بھاتی بیٹر گرمجوشی سے مسکرارہے ہیں۔
اتھیا شیٹی نے اپنے والد اور شوہر کی تصویر پر کمنٹ کرتے ہوئے دل کی ایموجی بنا کر اپنی محبت کا اظہار کیا۔
سنیل شیٹی کی جانب سے شیئر کی گئی اس تصویر کو اب تک لاکھوں لوگ لائیک کرچکے ہیں جبکہ کرکٹر اور بالی وڈ اداکار کے مداح بھی اس پر اپنے خیالات کا اظہار کررہے ہیں۔
اس سے قبل ایشیا کپ میں بھارتی بیٹر کی جانب سے پاکستان کے خلاف شاندار سنچری اسکور کرنے پر ان کی اہلیہ اتھیا نے بھی ان کی ستائش کی تھی۔
کے ایل راہول کی فٹنس کو لے کر شائقین کرکٹ کی جانب سے تنقید کی گئی تھی، تاہم پاکستان کے خلاف 111 رنز کی ناقابل شکست اننگز کے بعد شائقین بھی ان کی خوب تعریف کررہے تھے۔
اتھیا شیٹ نے انسٹاگرام پر کے ایل راہول کی تصاویر شیئر کی تھیں جس میں کے ایل راہول سنچری کا جشن منا رہے تھے۔
اتھیا شیٹی نے پوسٹ میں لکھا تھا کہ ’اندھیری رات بھی ختم ہوجائے گی اور سورج طلوع ہوگا، تم سب کچھ ہو، میں تم سے پیار کرتی ہوں۔‘
