سنیل شیٹی نے مردوں کو اہم مشورہ دیتے ہوئے کہا ہے کہ وہ اپنی ذہنی صحت پر کھل کر بات کریں اور کسی طرح کی جھجک کا اظہار نہ کریں۔
’24/7 آن لائن مینٹل ہیلتھ‘ ہیلپ لائن سینٹر کے لانچ کی تقریب میںذرائع ابلاغ سے گفتگو کرتے ہوئے بالی وڈ اداکار نے ذہنی صحت کے بارے میں بات کرنے حوالے سے اپنے خیالات کے اظہار کیا۔
اداکار سے یہ سوال کیا گیا کہ اس طرح کی مہم سے آنجہانی اداکار سوشانت سنگھ راجپوت کو فائدہ ہوسکتا تھا اگراسے پہلے متعارف کرایا گیا ہوتا؟ اس سوال کا جواب دیتے ہوئے انھوں نے کہا کہ مردوں کے لیے ضروری ہے کہ وہ اپنے جذباتی پہلوؤں کو سمجھیں۔
اپنے کرئیر کے دوران آنے والے اتار چڑھاؤ کا حوالہ دیتے ہوئے دھڑکن کے اداکار نے کہا کہ ذہنی صحت نے انہیں کبھی پریشان نہیں کیا کیونکہ وہ ہمیشہ اپنی تکلیفوں کے بارے میں بات کرتے ہیں،
انھوں نے کہا کہ وہ لوگوں سے معاونت حاصل کرتے ہیں کیونکہ ان کے لیے ان کی خوشی اور خاندان اولین ترجیح ہے۔
واضح رہے کہ سنیل شیٹی ’24/7 آن لائن مینٹل ہیلتھ‘ ہیلپ لائن سینٹر کے سرپرست ہونے کے ساتھ اس کے سرمایہ کاروں میں سے بھی ایک ہیں۔ سنیل شیٹی جلد ہی ہیرا پھیری 3 میں نظر آئیں گے۔
