آئی سی سی ٹی 20 ورلڈ کپ یکم جون سے شروع ہو رہا ہے میگا ایونٹ کے لیے پاکستان ٹیم میں کون کون جگہ بنائے گا سلیکشن کمیٹی نے غور شروع کر دیا۔
آئی سی سی ٹی ٹوئنٹی ورلڈ کپ شروع ہونے میں 30 روز باقی ہیں اور میگا ایونٹ کے لیے دفاعی چیمپئن انگلینڈ، بھارت، جنوبی افریقہ اور نیوزی لینڈ نے اپنے اپنے اسکواڈز کا اعلان کر دیا ہے تاہم پاکستان کرکٹ ٹیم کے میگا ایونٹ میں خدوخال کیا ہوں گے۔
ابتدائی اسکواڈ کے لیے سلیکشن کمیٹی نے غور شروع کر دیا ہے۔
انٹرنیشنل کرکٹ کونسل نے بورڈز کو ٹیموں کے ابتدائی اسکواڈ میں شامل کھلاڑیوں کے نام دینے کے لیے یکم مئی تک کی تاریخ دی ہے اور پی سی بی کو کل آئی سی سی کو ابتدائی اسکواڈ کے نام دینا ہوں گے۔
اے آر وائی نیوز کو ذرائع سے ملنے والی اطلاعات کے مطابق ورلڈ کپ اسکواڈ میں بابر اعظم، محمد رضوان، فخر زمان، عماد وسیم اور شاداب خان کی جگہ بھی پکی ہے۔ جس میں بابر قیادت کے فرائض انجام دیں گے
بولنگ اٹیک شاہین شاہ آفریدی، حارث رؤف، نسیم شاہ اور محمد عامر پر مشتمل ہوگا جب کہ پانچویں بولر کے لیے عباس آفریدی اور زمان خان میں جگہ بنانے کا مقابلہ ہے۔
سلیکٹرز کی میگا ایونٹ کے لیے اسامہ میر اور ابرار احمد پر بھی نظریں ہیں جب کہ صائم ایوب کے مسلسل ناکام ہونے کے بعد بھی انہیں میگا ایونٹ میں اپنی صلاحیتوں کے اظہار کا موقع دیے جانے کا امکان ہے۔
متبادل وکٹ کیپر کے لیے اعظم خان مضبوط امیدوار ہیں۔
آئی سی سی کو ابتدائی اسکواڈ دینے کے بعد 25 مئی کی ڈیڈ لائن تک منتخب کردہ کھلاڑیوں میں تبدیلی کی جا سکتی ہے۔
ٹی 20 ورلڈ کپ میں جنوبی افریقہ ٹیم کن کھلاڑیوں پر مشتمل؟ اسکواڈ کا اعلان
یاد رہے کہ ورلڈ کپ میں 16 ٹیمیں شرکت کر رہی ہیں جنہیں چار گروپوں میں تقسیم کیا گیا ہے۔
گروپ اے: پاکستان، بھارت، آئرلینڈ، کینیڈا، امریکا
گروپ بی: انگلینڈ، آسٹریلیا، نمیبیا، اسکاٹ لینڈ، عمان
گروپ سی: نیوزی لینڈ، ویسٹ انڈیز، افغانستان، یوگانڈا، پاپوا نیو گنی
گروپ ڈی: جنوبی افریقا، سری لنکا، بنگلادیش، نیدرلینڈز، نیپال
