معروف میزبان و کامیڈین تابش ہاشمی کی اہلیہ حرا خالد نے بتایا ہے کہ ان کی شادی کس طرح ہوئی تھی۔
اے آر وائی ڈیجیٹل کے پروگرام ’شانِ سحور‘ میں میزبان و کامیڈین تابش ہاشمی نے اہلیہ حرا خالد کے ساتھ شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے۔
ندا یاسر نے پوچھا کہ کیسے آپ دونوں ملے اور شادی کیسے ہوئی؟
حرا خالد نے کہا کہ ہماری والدین کی مرضی سے شادی ہوئی تھی پھر تابش کہنے لگے کہ دراصل پسند کی شادی ہے، اہلیہ نے کہا کہ ان کے والدین اور میرے والدین کو آپس میں محبت ہوئی تو ہماری ارینج میرج ہوگئی۔
انہوں نے بتایا کہ تابش کے والد اور میرے دادا بچپن کے دوست تھے۔
تابش ہاشمی نے بتایا کہ میرے والد اور حرا کے دادا تیسری جماعت سے دوست تھے، میرے والد نے ان کے والد کو ایک تقریب میں دیکھا تھا۔
حرا نے کہا کہ جب تقریب میں ملے تو دوبارہ ملنا جلنا شروع ہوگیا اور پھر تابش کی فیملی رمضان میں ہمارے گھر آئی تھیں، میں باہر جانے لگی تو والدہ نے کہا کہ مہمان آئیں ہیں رک جاؤ جیسے ہی میں اندر گئی تو تابش نے اپنی والدہ کو کہنی ماری جسے میرے بھائی نے دیکھ لیا تھا۔
انہوں نے بتایا کہ میں نے والدین کے فیصلے کی وجہ سے تابش سے شادی کے لیے رضامندی ظاہر کی تھی بعد میں مجھے ان کی بہت سی خوبیاں پسند آنے لگ گئیں۔
واضح رہے کہ تابش اور حرا 12 سال قبل رشتہ ازدواج میں منسلک ہوئے ان کے دو بچے ہیں جن میں ایک بیٹا اور بیٹی شامل ہیں۔
