اسلام آباد : چیئرپرسن قائمہ کمیٹی مہرین رزاق بھٹو کا کہنا ہے ویمن کمیشن کے حکام بھاری تنخواہ لیتے ہیں لیکن کارکردگی نہیں دکھاتے۔
تفصیلات کے مطابق چیئرپرسن ڈاکٹر مہرین رزاق بھٹو کی زیرصدارت قومی اسمبلی کی قائمہ کمیٹی انسانی حقوق کا اجلاس ہوا جس میں چیئرپرسن کمیٹی نے ویمن کمیشن کےارکان اور چیئر پرسنز کی تنخواہوں اور مراعات کی تفصیل طلب کرلی۔
اجلاس میں چیئرپرسن ویمن کمیشن سے سوال کیا گیا کہ چیئر پرسن صاحبہ بتائیں آپ کی تنخواہ کتنی ہے؟ تو انھوں نے بتایا کہ میری تنخواہ 4 لاکھ 10ہزار ہے۔
چیئرپرسن کمیٹی نے کہا کہ حکام اتنی تنخواہیں لیتے ہیں لیکن اتنی تنخواہ لیکر بھی کارکردگی نہیں ہے۔
دوسری جانب چیئر پرسن انسانی حقوق کمیٹی نے ویمن پروٹیکشن کمیشن کی کارکردگی کوغیرتسلی بخش قرار دے دیا، چیئر پرسن مہرین رزاق بھٹو نے کہا کہ کے پی میں 3ہزار448خواتین کا قتل الارمنگ تعداد ہے۔
مہرین رزاق بھٹو نے سوال کیا آپ صوبے میں خواتین کو آگاہی دینے کے لئےکیا اقدام کر رہے ہیں ؟ ویمن کمیشن کی کارکردگی بالکل تسلی بخش نہیں ہے ۔
