پاکستان سپر لیگ کا آٹھواں سیزن بھی کامیابی کے ساتھ اختتام کی جانب گامزن ہے لیگ کے 8 سالوں میں سب سے زیادہ 50 میچز پشاور زلمی نے جیتے ہیں۔
ایچ بی ایل پاکستان سپر لیگ کا ہر ایڈیشن گزشتہ ایونٹ سے کچھ بڑھ کر ہوتا ہے یہی وجہ ہے کہ ہر گزرتے سال کے ساتھ اس کی مقبولیت بھی بڑھتی جا رہی ہے اور آج اس کا شمار دنیا کی مقبول ترین لیگز میں ہوتا ہے۔ پی ایس ایل کا آٹھوں سیزن بھی ایک ماہ تک شائقین کرکٹ کو محظوط کرنے کے بعد اب اپنے اختتام کی جانب گامزن ہے۔
پاکستان سپر لیگ کے اب تک کے تمام ایڈیشنز میں سب سے کامیاب ٹیم پشاور زلمی رہی ہے جس نے دیگر ٹیموں کے مقابلے میں آٹھوں ایڈیشن میں سب سے زیادہ میچز جیت رکھے ہیں۔
پاکستان سپر لیگ 8 میں زلمی آج دوسرا ایلیمینٹر کھیلے گی جو اس لیگ میں اس کا 93 واں میچ ہوگا۔ اب تک کھیلے گئے 92 میچز میں پشاور نے 50 میچ جیت کر پی ایس ایل میں سب سے زیادہ میچز جیتنے کا اعزاز اپنے نام کر لیا ہے۔
پشاور زلمی نے اپنی فتوحات کی نصف سنچری گزشتہ روز ایونٹ کے پہلے ایلیمینٹر میں اسلام آباد یونائیٹڈ کو شکست دے کر مکمل کی ہے۔
پشاور نے ایک میچ سپر اوور جبکہ 49 میچز براہ راست مقابلے کے ذریعے جیتے جب کہ یہ پی ایس ایل کے تمام ایڈیشنز کا پلے آف کھیلنے والی واحد ٹیم ہے۔ زلمی کی کامیابیوں کا تناسب 54.39 فیصد ہے۔
پشاور زلمی تمام ایڈیشن کا پلے آف کھیلنے والی واحد ٹیم ہے، جبکہ زلمی کی کامیابیوں کا اب تک کا تناسب 54.39 فیصد ہے۔
یاد رہے کہ پی ایس ایل کے پہلے ایلیمنیٹر میچ میں پشاور زلمی نے اسلام آباد یونائیٹڈ کو سنسنسی خیز مقابلے میں شکست دے کر پی ایس ایل میں 50 ویں جیت اپنے نام کی تھی۔
