گوانگژو: چین کے شہر گوانگژو میں ہوا کے خوفناک بگولے نے تباہی مچا دی۔
غیر ملکی میڈیا رپورٹس کے مطابق گوانگژو میں ٹورنیڈو کے باعث مختلف حادثات میں 5 افراد ہلاک ہو گئے، جب کہ 33 افراد زخمی ہوئے۔
ساؤتھ چائنا مارننگ پوسٹ کے مطابق گوانگ ڈونگ کے صوبائی دارالحکوت میں شدید بارش اور ژالہ باری نے پہلے ہی تباہی مچائی ہوئی تھی کہ ہفتے کی دوپہر کو ایک زور دار بگولا آیا، جس نے بہت زیادہ نقصان پہنچایا۔
حکام نے بتایا کہ طوفانی بگولے کی شدت 3 درجے کی تھی، جو 5 کے بلند ترین درجے سے دو درجے کم تھی، سرکاری خبر رساں ایجنسی شنہوا نیوز نے رپورٹ کیا کہ نقصانات کی تحقیقات جاری ہیں، اور مجموعی طور پر 141 فیکٹری عمارتوں کو نقصان پہنچا ہے۔
Strong tornado formed in Guangzhou of Guangdong, China (27.04.2024)
Video: Jim
TELEGRAM JOIN https://t.co/9cTkji5aZq pic.twitter.com/9FwypGvyT4— Disaster News (@Top_Disaster) April 27, 2024
Tornado in Guangzhou pic.twitter.com/BSDqsXLQke
— Kelly (@ZWXcos) April 28, 2024
Large tornado moved into Guangzhou metropolitan hrs ago, a city holding more than 10 million people. Intense power flash can be seen everywhere. pic.twitter.com/lnJhNDEPNd
— Eric1101 (@Ericwang1101) April 27, 2024
مقامی موسمی اسٹیشن نے تقریباً 3 بجے 20.6 میٹر فی سیکنڈ کی رفتار سے ہوا کا جھونکا ریکارڈ کیا، اس خوفناک بگولے سے دن میں رات کا سماں ہو گیا تھا، تباہی پھیلنے کے بعد ریسکیو ورکرز نے علاقے میں فوری کام شروع کر دیا۔
واضح رہے کہ گوانگ ڈونگ کو شدید بارشوں کی وجہ سے ریکارڈ توڑ سیلاب کا سامنا ہے، جس کی وجہ سے ہزاروں شہری بے گھر ہو چکے ہیں، گوانگژو کے اضلاع زینگ چینگ اور پانیو کے کئی حصوں میں انڈوں کے سائز کے اولوں نے کاروں اور کھڑکیوں کو بہت نقصان پہنچایا۔