واشنگٹن: امریکی صدرکو نئی مصیبت کاسامناکرنا پڑ گیا‘ سابق سی آئی اے سربراہ کا صدرٹرمپ سے ملاقات کے بعدلکھا گیا میمو میڈیا کے ہاتھ لگ گیا۔
امریکی میڈیا کے مطابق امریکی صدرڈونلڈ ٹرمپ نے ایف بی آئی کے سابق سربراہ جیمز کومی کوروس سے رابطوں کی تحقیقات روکنے کاکہاتھا۔
میڈیا ذرائع کے مطابق ڈونلڈ ٹرمپ نے قومی سلامتی کے مشیرمائیکل فلن کے روس سے رابطوں کی تحقیقات ختم کرنے کے لئے جیمز کومی پردباؤ ڈالا۔
امریکی مشیر برائے قومی سلامتی استعفیٰ دے کر بھی بچ نہیں سکے
دوسری جانب امریکی صدارتی مرکز وائٹ ہاؤس نےمذکورہ بالا میموسے متعلق اطلاعات کی تردید کی ہے۔
ٹرمپ نے فروری میں سابق سی آئی اے سربراہ سے ملاقات میں کہا کہ امید ہے آپ مائیکل فلن کوجانے دیں گے۔ جیمز کومی نے صدرٹرمپ سے گفتگو کامیموایف بی آئی کے سینئراہلکاروں کوبھی دیاتھا۔
یاد رہے کہ ٹرمپ کابینہ میں قومی سلامتی کے مشیرمائیکل فلن کوروسی سفارتکاروں سے تعلقات پرعہدے سے استعفیٰ دیناپڑاتھا۔
دوسری جانب صدرٹرمپ نے ہلیری کلنٹن کی ای میلزکے معاملے پربدانتظامی کاالزام لگا کرجیمزکومی کوایف بی آئی کے سربراہ کے عہدے سے برطرف کیا تھا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
