راولپنڈی: ایچ بی ایل پی ایس ایل کے اہم ترین میچ میں اسلام آباد یونائیٹڈ نےکراچی کنگزکیخلاف 6 وکٹوں سے فتح سمیٹ لی۔
تفصیلات کے مطابق اسلام آباد یونائیٹڈ نے کراچی کنگز کی جانب سے دیا گیا 202رنز کا ہدف آخری اوورمیں حاصل کیا، اعظم خان نے72رنز کی میچ وننگ اننگزکھیلی۔
فہیم اشرف نے41اورایلکس ہیلزنے34رنزکاحصہ ڈال کر اپنی ٹیم کی فتح میں اہم کردار ادا کیا، کراچی کنگز کی جانب سے محمد عامر،تبریز شمسی اورعامریامین ایک ،ایک وکٹ حاصل کرسکے۔
کپتان کراچی کنگز عماد وسیم کی پی ایس ایل کیریئربیسٹ92رنزکی اننگز رائیگاں گئی۔
2️⃣0️⃣0️⃣ on the board 👏👏#YehHaiKarachi | #IUvKK | #HBLPSL8
— Karachi Kings (@KarachiKingsARY) March 3, 2023
اس سے قبل کراچی کنگز نے پہلے بلے بازی کرتے ہوئے مقررہ 20 اوورز میں 5 وکٹوں کے نقصان پر 201 رنز بنائے تھے، کپتان عماد وسیم نے 54 گیندوں پر 92 رنز کی دلکش اننگز کھیلی، اسی کے ساتھ ہی انہوں نے رواں پی ایس ایل سیزن میں اپنے 300 رنز بھی مکمل کئے تھے
3️⃣2️⃣9️⃣ runs
1️⃣6️⃣4️⃣ batting average
1️⃣7️⃣6️⃣ strike rate
3️⃣ scores of 50+
2️⃣nd most runs in the tournamentCaptain @simadwasim has taken #HBLPSL8 by storm 💫#YehHaiKarachi | #IUvKK pic.twitter.com/6dZF3C56hd
— Karachi Kings (@KarachiKingsARY) March 3, 2023
عرفان نیاز نے کپتان عماد کا بھرپور ساتھ دیا، دونوں بیٹرز کے درمیان 99 رنز کی عمدہ شراکت داری قائم ہوئی، عرفان نیازی 30 رنز بناکر پویلین لوٹے۔
A masterclass on display 🙌#YehHaiKarachi | #IUvKK | #HBLPSL8 pic.twitter.com/pKWaEiBjny
— Karachi Kings (@KarachiKingsARY) March 3, 2023
اس کے علاوہ روسنگٹن 20، طیب طاہر 19 اور میتھوویڈ نے 13 رنز اسکور کئے۔
اسلام آباد یونائیٹڈ کی جانب سے ٹام کرن نے دو وکٹیں حاصل کیں، رومان رئیس، حسن علی اور فہیم اشرف کے حصے میں ایک ایک وکٹ آئی۔
کراچی کنگز اسکواڈ: ایڈم روسنگٹن، طیب طاہر، شعیب ملک، عرفان خان، میتھو ویڈ، عماد وسیم (کپتان)، شرجیل خان، اینڈریو ٹائے، محمد عامر، تبریز شمسی اور عامر یامین۔
اسلام آباد یونائیٹڈ اسکواڈ: کولن منرو، ایلکس ہیلز، روسی وینڈرڈیوسن، شاداب خان (کپتان)، اعظم خان، آصف علی، فہم اشرف، ٹام، کرن، مبشر خان، حسن علی، رومان رئیس۔
پی ایس ایل کے تمام میچز اے اسپورٹس پر براہ راست دکھائے جا رہے ہیں۔
