رمضان المبارک سے قبل یوٹیلٹی اسٹورز پر 19 اشیا کی قیمتیں کم کردی گئیں۔
یوٹیلٹی اسٹورز پر رمضان ریلیف پیکیج کا آغاز کل سے ہوگا جو چاند رات تک جاری رہے گا اس ریلیف پیکیج کے تحت 20 کروڑ عوام مستفید ہوں گی۔
سبسڈی کے تحت آٹے کا 10 کلو کا تھیلا 648 روپے میں دستیاب ہوگا، گھی فی کلو 365، چینی 109 روپے میں دستیاب ہوگی، خوردنی تیل پر 25 روپے، دال چنا پر 25 روپے فی کلو رعایت ہوگی۔
سفید چینے پر 25 روپے، بیسن پر 50 روپے رعایت دی جائے گی، کھجور 50، باسمتی چاول 25، سیلہ چاول 25 روپے سستے ہوں گے۔
پیکیج کے تحت ٹوٹا چاول پر 25، چائے پر 100 روپے ریلیف ملے گا، ٹیٹرا پیک دودھ پر 30 روپے فی لیٹر خصوصی رعایت دی جائے گی۔
مصالحہ جات، مشروبات بھی سستے داموں فروخت کیے جائیں گے۔
علاوہ ازیں بینظیر انکم سپورٹ میں رجسٹرڈ افراد کو ماہانہ 20 کلو آٹا ملے گا، ماہانہ 5 کلو چینی، 5 کلو گھی، 3 کلو چاول، دالیں فراہم کی جائیں گی۔
غیر رجسٹرڈ افراد بی آئی ایس پی میں رجسٹریشن کروائیں۔