اسلام آباد : یوٹیلیٹی اسٹورز کارپوریشن نے رمضان سے قبل سیل اسٹاف کے خصوصی الاؤنس میں 200 فیصد تک اضافہ کردیا۔
تفصیلات کے مطابق یوٹیلیٹی اسٹورز کارپوریشن نے سیل اسٹاف الاؤنس میں اضافہ کردیا ، ذرائع نے بتایا کہ رمضان سے قبل سیل اسٹاف کے خصوصی الاؤنس میں 200 فیصد تک اضافہ کردیا گیا۔
ذرائع کا کہنا تھا کہ یوٹیلیٹی اسٹورز کارپوریشن کے بورڈ نے الاؤنس میں اضافے کی منظوری دی، سیل اسٹاف کے الاؤنس میں اضافے کا اطلاق یکم مارچ 2024 سے ہوگا۔
- Advertisement -
ذرائع نے بتایا کہ ڈیلوری کلرک کا الاؤنس ایک ہزار سے بڑھا کر ماہانہ 2 ہزار روپے کردیا گیا جبکہ کیشئر کا کیش ہینڈلنگ الاؤنس ایک ہزار سے بڑھا کر ماہانہ 2 ہزار روپے مقرر کردیا ہے۔
ذرائع نے مزید کہا کہ سپر مارکیٹ میں تعینات ہر ممبر کا خصوصی الاؤنس 500 سے بڑھا کر 1500روپے کر دیا گیا ہے۔
