بھارتی فلم انڈسٹری کے معروف اداکار سلمان خان کا اپنی فلم ”ٹائیگر 3“ کی زبردست کامیابی کے بعد پہلا بیان سامنے آگیا ہے۔
بھارتی میڈیا رپورٹس کے مطابق سلمان خان، کترینہ کیف اور عمران ہاشمی کی فلم ٹائیگر 3 دیوالی کے موقع پر 12 نومبر کو سینما گھروں میں ریلیز ہوئی ہے۔ ٹائیگر 3′ اب تک 250 کروڑ روپے کما چکی ہے، دبنگ خان ‘ٹائیگر 3’ کی کامیابی سے خوش ہیں۔
سلمان خان نے کہا کہ یہ بہت حوصلہ افزا ہے کہ میرے دو پسندیدہ کرداروں پریم اور ٹائیگر نے دیوالی پر لوگوں کو بہت محظوظ کیا ہے۔
سلمان خان نے کہا کہ سنگ میل ہمیشہ خاص ہوتے ہیں لیکن اس سے بھی زیادہ حیرت انگیز بات یہ ہے کہ ایسے کرداروں کو تخلیق کرنا جو لوگوں کے دلوں میں ہمیشہ خاص رہتے ہیں۔
ایک اداکار کے طور پر، میں نے صرف اپنے برانڈ کے سینما کے ذریعے لوگوں کے لیے یادیں بنانے پر توجہ مرکوز کی ہے اور میں خوش قسمت ہوں کہ انہوں نے مجھے دوبارہ پیار کیا ہے۔
سلمان خان کا مزید کہنا تھا کہ مجھے خوشی ہے کہ پریم اور ٹائیگر نے دیوالی کو تمام عمر کے افراد اور ناظرین کے لیے خاص بنادیا ہے۔
’ٹائیگر 3 کی کامیابی‘ سلمان خان نے کترینہ کو قیمتی تحفہ دیدیا
انہوں نے کہا کہ مجھے امید ہے کہ لوگ ہمیشہ پریم اور ٹائیگر کو یکساں طور پر پسند کریں گے انہوں نے کہا کہ میں ایک کو دوسرے پر انتخاب نہیں کر سکتا۔
