دی ہنڈریڈ میں شاہین شاہ آفریدی کی رفتار نے بیٹرز کو مشکلات میں ڈال دیا، بولر نے پہلے اوور میں وکٹ حاصل کرنے کی اپنی روایت کو قائم رکھا۔
دی ہنڈریڈ میں قومی فاسٹ بولر کے یارکرز نے دھوم مچادی شاہین شاہ نے مانچسٹر اورجنلز کیخلاف لگاتار دو گیندوں پر دو وکٹیں لیں، قومی کرکٹ ٹیم کے فاسٹ بولر نے اہم وکٹیں لے کر اپنی ٹیم کی جیت میں اہم کردار ادا کیا۔
ٹاس ہارنے کے بعد ویلش فائر نے 40 گیندوں کے مختصر میچ میں 94-3 کا مجموعی اسکور کیا، 94 رنز کے تعاقب کے دوران ایکشن سے بھرپور اوور کا آغاز شاندار ان سوئنگنگ ڈلیوری سے ہوا۔
SHAHEEN SHAH AFRIDI TYPICAL pic.twitter.com/0Wr4uwtG82
— OR II (@CricSavvy1_) August 2, 2023
شاہین آفریدی نے صرف 10 گیندوں میں 24 رنز دیے جبکہ دو وکٹیں حاصل کیں۔ دریں اثنا ویلش کے لیے حارث رؤف کی کارکردگی اور بھی متاثر کن تھی کیونکہ انہوں نے غیر معمولی باولنگ کا مظاہرہ کرتے ہوئے اپنی 10 گیندوں میں صرف 15 رنز دیے۔
کھلاڑیوں کی شاندار باؤلنگ اور اسٹریٹجک گیم پلے کی بدولت ویلش 9 رنز کی برتری کے ساتھ میچ جیت گئی، واضح رہے کہ شاہین آفریدی اور حارث رؤف ایونٹ میں ویلش فائر کی نمائندگی کررہے ہیں۔
