واشنگٹن: وائٹ ہاؤس میں گزشتہ روز اداکارہ سیلما بلیئر کے ہمراہ پریس ٹاک کے دوران صدر جو بائیڈن نے ایک ایسی حرکت کی جس پر تمام لوگ بے ساختہ ہنس پڑے۔
سوشل میڈیا پر ایک نہایت دل چسپ ویڈیو وائرل ہوئی ہے، جس میں امریکی صدر جو بائیڈن مشہور ہالی ووڈ اداکارہ سیلما بلیئر کے ساتھ امریکی صدارتی محل وائٹ ہاؤس میں ایک پریس ٹاک میں شریک ہیں۔
بائیڈن جب سیلما بلیئر کے ہمراہ چلتے ہوئے ڈائس تک آئے تو اس موقع پر انھوں نے ایسی حرکت کی جس نے سب کو ہنسنے پر مجبور کر دیا، کسی کو امریکی صدر سے ایسی حرکت کی توقع نہیں تھی۔
ہوا یوں کہ ڈائس پر پہنچتے ہی سیلما بلیئر نے اپنے سروس کتے ’اسکاؤٹ‘ کی رسی چھوڑ کر اسے بیٹھنے کے لیے کہا جس پر وہ بیٹھ گیا، لیکن جو بائیڈن بھی اسی وقت نیچے جھکے اور ایسا ظاہر کیا جیسے انھیں بیٹھنے کے لیے کہا گیا ہو۔
اس حرکت پر سب ہی لوگ ان کی طرف متوجہ ہوئے، سیلما بلیئر بھی انھیں ایسا کرتے ہوئے حیران ہوئی اور پرجوش ہو کر بولیں ’’میں خود کو بہت طاقت ور محسوس کر رہی ہوں۔‘‘
One thing I love about President Biden? He has a sense of humor. pic.twitter.com/Wj8mnBr5Rj
— Chris D. Jackson (@ChrisDJackson) October 3, 2023
دراصل سیلما بلیئر نے ڈگی سے کہا تھا ’’سِٹ ڈاؤن گڈ بوائے‘‘ جس پر جوبائیڈن کے رد عمل نے وہاں موجود سبھی افراد کو قہقہہ لگانے پر مجبور کر دیا۔
Actor and activist Selma Blair helped President Joe Biden mark the legacy of the Americans with Disabilities Act on Monday.
Blair, who was diagnosed with multiple sclerosis in 2018, walked with Biden to a White House ceremony with her cane and her service dog, Scout. pic.twitter.com/ofNLEbTL9T
— The Associated Press (@AP) October 2, 2023
واضح رہے کہ اداکارہ اور سماجی کارکن سیلما بلیئر نے پیر کے روز صدر جو بائیڈن کے ہمراہ پریس ٹاک میں ’’امریکیوں کے معذوری ایکٹ‘‘ کے سلسلے میں شرکت کی تھی۔ سیلما کو خود 2018 میں ’ملٹیپل سکلیروسیس‘ (مرکزی اعصابی نظام کی خرابی) نامی بیماری کی تشخیص ہوئی تھی، وہ اپنی چھڑی اور سروس کتے ’اسکاؤٹ‘ کے ساتھ وائٹ ہاؤس کی تقریب میں شریک ہوئیں۔