بندروں اور لنگوروں کی انسانوں کی طرح کئی کام کرنے اور شرارتیں کرنے کی ویڈیو اکثر سوشل میڈیا کی زینت بن جاتی ہیں۔
بھارت میں اس سے قبل بھی بندروں اور لنگوروں کی لوگوں کو تنگ کرنے کی ویڈیو سوشل میڈیا پر وائرل ہوتی رہی ہیں جس میں دیکھا گیا کہ کسی سیاحتی مقام پر بندر سیاح کا چشمہ لے کر بھاگ گیا اور یا پھر وہ کسی کا کھانا لے کر رفو چکر ہوجاتے ہیں۔
تاہم اب لنگور کی ایک ویڈیو سامنے آئی ہے جس میں اسے کمپیوٹر استعمال کرتے دیکھا گیا۔
اس مختصر ویڈیو میں لنگور کو کمپیوٹر کے سامنے بیٹھ کر کاغذات کو بدلتے اور ٹائپ کرنے کی اداکاری کرتے دیکھا جا سکتا ہے۔
سوشل میڈیا پر اس ویڈیو کے سامنے آنے کے بعد لوگ اس پر دلچسپ اور مزاحیہ تبصرے بھی کر رہے ہیں۔
ایک صارف نے لکھا کہ ’نیا اسٹیشن ماسٹر آگیا ہے۔‘ دوسرے صارف نے مسکراتے ہوئے لکھا کہ ’کتنی مہارت سے کمپیوٹر استعمال کررہا ہے۔‘