سابق وزیراعظم و چیئرمین تحریک انصاف عمران خان نے سعودی عرب اور ایران کے تعلقات بحالی کے اقدام کا خیرمقدم کیا ہے۔
ٹوئٹر پر جاری بیان میں عمران خان نے کہا کہ ایران اور سعودی عرب میں سفارتی تعلقات کی بحالی پر اتفاق کا خیرمقدم کرتے ہیں سفارتی پیشرفت میں چین کےکردار کو سراہتے ہیں۔
We welcome this development. My govt had taken an initiative to bring KSA & Iran together for dialogue as part of our policy of wider engagement for peace & for unity of the Ummah. We appreciate China's role in this diplomatic breakthrough.https://t.co/XSd3polNzJ
— Imran Khan (@ImranKhanPTI) March 12, 2023
انہوں نے کہا کہ پی ٹی آئی حکومت نے دونوں ممالک کو بات چیت پر آمادہ کرنے کیلئے اقدام اٹھایا تھا امت مسلمہ کے امن و اتحاد کیلئے ہماری وسیع تر پالیسی کے تحت اقدام کیا گیا تھا۔
پاکستان نے سعودی عرب اور ایران کے درمیان سفارتی تعلقات معمول پر آنے کا خیر مقدم کیا ہے۔ ترجمان دفترخارجہ نے کہا کہ اہم سفارتی پیش رفت خطے اور اس سے باہر امن و استحکام میں معاون ثابت ہوگی، تاریخی معاہدے کو مربوط کرنے میں چینی قیادت کے کردار کو سراہتے ہیں۔
وزیراعظم عمران خان کی سعودی عرب ایران کشیدگی کم کرانے کی کوششیں تیز
ترجمان نے کہا کہ یہ عمل تعمیری مشغولیت اور بامعنی بات چیت کی طاقت کو ظاہر کرتا ہے، مثبت پیشرفت پر سعودی عرب اور ایران کی قیادت کو سراہتے ہیں، پاکستان مشرق وسطیٰ اور خطے میں تعمیری کردار ادا کرتا رہے گا۔
پاکستان نے کہا کہ امید ہے کہ یہ مثبت قدم علاقائی تعاون اور ہم آہنگی کیلیے ایک سانچے کو متعین کرے گا۔
