ملتان سلطان کے کپتان محمد رضوان نے جیت کے لیے ضروری چیزوں کے بارے میں بتادیا، ساتھ ہی انھوں نے مخالف ٹیم کے حوالے سے بھی گفتگو کی ہے.
تفصیلات کے مطابق فرنچائز ملتان سلطان کے کپتان اور سابق نمبر ون ٹی ٹوئنٹی بیٹر محمد رضوان کا نیوز کانفرنس کرتے ہوئے کہنا تھا کہ وہ اپنے حریف کراچی کنگز کی کمزوریوں اور طاقت کو جانتے ہیں۔
محمدرضوان کا کہنا تھا کہ جیت کیلئے ٹاپ فور کا پرفارم کرنا بہت ضروری ہے۔ نجم سیٹھی نے پی ایس ایل میں اہم کردار ادا کیا۔ 4، 5 سال سے ڈومیسٹک نہیں کھیل رہے۔
قومی وکٹ کیپر بیٹر نے کہا کہ میرے لیے اہم ہے یہاں ٹیم کے کھلاڑیوں کی پرفارمنس بہترین ہو۔ ملتان سلطانز کے کھلاڑی مرضی سے دوسری ٹیم میں گئے۔
واضح رہے کہ پاکستان سپر لیگ کا آغاز رنگا رنگ افتتاحی تقریب سے لاہور میں ہوچکا ہے۔ افتتاحی میچ میں اسلام آباد یونائیٹڈ اور لاہور کی ٹیمیں ایک دوسرے کے مدمقابل ہیں۔
