شوبز انڈسٹری کے معروف اداکار و میزبان آغا علی نے ملک میں خواتین کے سب سے بڑے مسئلے کی نشاندہی کردی۔
پاکستانی ڈرامہ انڈسٹری کے اداکار آغا علی نے حال ہی میں ایک پوڈ کاسٹ میں شرکت کی اور شوبز سمیت خواتین کے مسائل سے متعلق گفتگو کی۔
آغا علی نے کہا کہ ملک کے کئی شہروں میں سفر کرچکا ہوں اور اس دوران ایک سب سے بڑے مسئلے کو محسوس کیا۔
اداکار کا کہنا تھا کہ ہمارے ملک کا ایک اہم مسئلہ یہ ہے کہ ہماری خواتین محفوظ نہیں ہیں۔ آغا علی کا کہنا تھا کہ انہوں نے دوران سفر غور کیا کہ کوئی بھی خاتون اکیلی سفر کرتی دکھائی نہیں دی۔
خواتین ایک شہر سے دوسرے شہر یا کہیں بھی اکیلے نہیں جا سکتیں کیونکہ وہ خود کو محفوظ محسوس نہیں کرتیں اور ہم ہمیشہ ایک محفوظ اور قدامت پسند معاشرہ ہونے کا دعویٰ کرتے ہیں۔
آغا علی نے کہا کہ ان کی خواہش ہے پاکستان میں حالات بہتر ہوں اور خواتین اکیلے سفر کرتے ہوئے خود کو محفوظ محسوس کریں۔
واضح رہے کہ آغا علی اور اداکارہ حنا الطاف 22 مئی 2021 کو رشتہ ازدواج میں منسلک ہوئے۔
