کراچی میں گزشتہ روز دوپہر تین بجے سے اب تک ہونے والی بارش کے اعداد و شمار جاری کردئیے گئے۔
محکمہ موسمیات کے مطابق سب سے زیادہ بارش سرجانی ٹاؤن میں 68.2 ملی میٹر ریکارڈ کی گئی، گلشن حدید میں60، نارتھ کراچی52.4،قائدآباد میں48.5 ملی میٹربارش ریکارڈ کی گئی۔
اسی طرح فیصل بیس میں 42،اورنگی ٹاؤن میں25.7،سعدی ٹاؤن میں23.5ملی میٹر، گڈاپ20.6،ناظم آباد19.6،پی اےایف مسرور بیس میں15.8ملی میٹربارش ریکارڈ کی گئی، ائیرپورٹ14،یونیورسٹی روڈ12.4،جناح ٹرمینل11.4،کیماڑی میں11ملی میٹربارش ہوئی۔
ادھر محکمہ موسمیات کا کہنا ہے کہ 10 تا 12 جولائی شہر میں درمیانی تا ہلکی بارش کا امکان ہے جبکہ آج دوپہر 2 بجے کے بعد شہر میں گرج چمک کے ساتھ تیز موسلادھار اسپیل ہوسکتا ہے۔
یہ بھی پڑھیں: کورنگی کازوے اور گڈاپ ندی میں ریسکیو آپریشن، ڈوبنے والے افراد کی تلاش جاری
محکمہ موسمیات کا کہنا ہے کہ بارش کا سلسلہ وقفے وقفے سے کل تک جاری رہے گا البتہ شہری علاقوں میں اربن فلڈنگ کے خدشات بھی ہیں۔
دوسری جانب آج بھی شہر قائد میں گرج چمک کے ساتھ تیز ہوائیں چلنے کا امکان ہے، ہوا کا کم دباؤ اس وقت بھارتی علاقے رن کچھ پر ہے جسکی وجہ سے مون سون ہواؤں میں شدت آئی ہے۔