ساجد نڈیا والا اور کبیر خان کی اسپورٹس فلم میں کارتک آریان جلوے بکھیرنے کو تیار ہیں، ان کے ساتھ وجے ورما، بھون اروڑہ، راجپال یادیو اور ڈیبیو کرنے والی بھاگیہ شری بھی دکھائی دیں گی۔
کبیر خان کی ہدایت کاری میں بننے والی فلم ’چندو چیمپئن‘ کی شوٹنگ کا آغاز ہونے جارہا ہے، حال ہی میں کارتک کی ستیا پریم کی کتھا ریلیز ہوئی تھی جس کے بعد اب وہ اپنے اگلے پروجیکٹ کی تیاری میں مصروف ہوگئے ہیں۔
ذرائع کے مطابق چندو چیمپیئن میں کارتک آریان کے ساتھ دیگر اداکاروں کو فلم کی ڈیمانڈ کے مطابق شامل کیا گیا ہے، اگرچہ چندو چیمپیئن زیادہ تر کارتک کے گرد گھومتی ہے، تاہم دوسرے کردار بھی اس میں کافی اہمیت کے حامل لیں۔
اس لیے ان کرداوں کو نبھانے کے لیے کئی بہترین اداکاروں کو شامل کیا گیا ہے، جن میں وجے راز، بھون اروڑہ اور راجپال یادیو شامل ہیں۔ اس کے علاوہ فلم میں نئی اداکارہ بھاگیہ شری
بھی ڈیبیو کریں گی۔
چندو چیمپئن ایک اسپورٹس فلم ہے جو ایک شخص کی سچی کہانی پر مبنی ہے جس نے مشکلات کے آگے ہتھیار ڈالنے سے انکار کر دیا تھا۔
یہ پیرا اولمپک چیمپئن مرلی کانت پیٹکر کی غیر معمولی حقیقی زندگی کی کہانی ہے جس میں دکھایا جائے گا کہ بغیر ہمت ہارے تمام مشکلات کے باجود انھوں نے کامیابی کو گلے لگایا۔
واضح رہے کہ ساجد ناڈیاڈوالا فلم کے پروڈیوسر ہیں جب کہ اسے جولائی 2024 میں ریلیز کیا جائے گا، تاہم میکرز نے ابھی تک اس پروجیکٹ کی مزید تفصیلات آشکار نہیں کی ہیں۔