کراچی : تین فروری کو بارش کے دوران نالے میں گر کر جاں بحق ہونے والے شہری کی اہلیہ نے کے ایم سی کے خلاف ہرجانے کا دعویٰ دائر کردیا۔
تفصیلات کے مطابق کراچی میں بارش کے دوران نالے میں گر کر جاں بحق ہونے والے شہری کی اہلیہ نے کے ایم سی کے خلاف ہرجانے کادعویٰ دائرکردیا۔
فخرعالم کی اہلیہ نے سینئرسول جج غربی کی عدالت میں تین کروڑ اکہترلاکھ روپےہرجانےکادعویٰ دائر کیا، درخواست گزار کا کہنا ہے کے ایم سی کی نااہلی اوربارش کاپانی نہ نکالنے کے باعث فخرعالم جاں بحق ہوا۔
اہلیہ نے درخواست میں عدالت سے استدعا کی ہے کہ کے ایم سی سے ہرجانہ دلوایا جائے۔
خیال رہے کراچی میں تین فروری کو ہونے والی بارش کے دوران شہری نالے میں گر کر جاں بحق ہوگیا تھا، متاثرہ شخص اپنے کام کی جگہ سے نکلا تھا اور بلدیہ ٹاؤن میں گھر جا رہا تھا کہ سائٹ بی تھانے کی حدود میں پھسل کر نالے میں گر گیا، بعد ازاں اس کی لاش جائے وقوعہ سے کچھ فاصلے پر ملی۔ وہ پانچ بچوں کا باپ تھا۔
