پاکستانی آل راؤنڈر عماد وسیم ورلڈکپ اسکواڈ کا حصہ تو نہیں مگر وہ ملک میں بیٹھ کر ورلڈکپ کے حوالے سے درست پیشگوئیاں کررہے ہیں۔
بھارت میں منعقد ہونے والے کرکٹ کے عالمی کپ کے حوالے سے عماد وسیم نے پیشگوئی کی تھی کہ اس ٹورنامنٹ میں کوئی میچ ایسا بھی ہوگا جس میں 400 رنزبھی بن سکتے ہیں۔
عماد وسیم کے مطابق بھارت میں موجود گراؤنڈز کی باؤنڈریز چھوٹی ہیں لہٰذا عالمی کپ کے میچز کے دوران زیادہ رنز بنیں گے۔ خیال رہے کہ بھارت میں زیادہ تر وکٹیں بیٹرز کو سپورٹ کرتی ہیں۔
کچھ ہی دنوں بعد جنوبی افریقہ نے ان کی بات سچ ثابت کردکھائی، پروٹیز نے سری لنکا کے خلاف میچ میں رنز کا پہاڑ کھڑا کرتے ہوئے حریف کو جیت کے لیے 429 رن کا ہدف دیا۔
ورلڈک کپ کے مذکورہ میچ میں متعدد ریکارڈ بھی بنے جبکہ ایک ہی ٹیم کے تین بیٹرز نے پہلی بار میچ میں سنچریاں بھی اسکور کیں۔
پہاڑ جیسے ہدف کا تعاقعب کرنے کے لیے سری لنکا نے کوشش تو بہت کی تاہم پوری ٹیم 326 رنز پر آؤٹ ہوگئی اور جنوبی افریقی ٹیم 102 رن سے فاتح رہی۔
