ایڈیلیڈ:جنوبی افریقہ اور آسٹریلیا کے درمیان تین میچز کی سیریز کا پہلا ٹی ٹوئنٹی آج ایڈیلیڈ میں کھیلا جائے گا۔ٹی ٹوئنٹی فارمیٹ کی دو بہترین ٹیموں میں گھمسان کی جنگ ہوگی۔ آسٹریلیا اور جنوبی افریقہ کے کھلاڑی مختصر طرز کی کرکٹ میں بھرپور مہارت رکھتے ہیں۔
پروٹیاز نے ریگولر کپتان فف ڈوپلیسی، اے بی ڈولئیرز، ہاشم آملہ، ڈیل اسٹائن، مورن مورکل اور ورنن فیلنڈر کو ریسٹ دیا ہے۔ اہم کھلاڑیوں کی عدم موجودگی میں آسٹریلیا کو برتری حاصل ہوگی۔
ڈوپلیسی کی جگہ جے پی ڈومینی جنوبی افریقی ٹیم کی قیادت کریں گے۔دوسری جانب آسٹریلوی ٹیم کی قیادت ایرون فنچ کریں گے۔ کینگروز شین واٹسن، کیمرون وائٹ، جیمز فالکر اور سین ایبٹ پر انحصار کرے گی۔
دونوں ٹیموں کے درمیان مجموعی طور پر گیارہ میچز کھیلے جاچکے ہیں۔ آسٹریلیا نے سات اور جنوبی افریقہ نے چار میں کامیابی حاصل کی
Comments
- Advertisement -
