کراچی: سابق صدر پرویز مشرف نے کہا ہے کہ بھارت ہمارے ساتھ ڈبل گیم کھیل رہاہے،اگربھارت کارگل کوعالمی معاملہ بنائےگاتوہم سیاچن کوبھی عالمی معاملہ بنائیں گے۔
اے آر وائی نیوز کے پروگرام ’’سوال یہ ہے‘‘میں بات چیت کرتے ہوئے سابق صدر کا کہنا تھا کہ کسی میں جرات نہیں کہ پاکستان کو میلی انکھ سے دیکھ سکے،انہوں نے کہا کہ پاکستان میں معاملات کو انصاف سے نہیں چلایا گیا تو مسائل اٹھتے رہیں گے۔
انہوں نے کہا کہ معاشی طور پر کمزور ہونے کی وجہ سے پاکستان کی عالمی برادری میں آواز بہت کمزور ہے او آئی سی کی تنظیم نو کی ضرورت ہے ۔
پرویز مشرف نے کہا کہ صوبوں کواتنی طاقت دی گئی ہےکہ وفاق کمزورہوگیا،صوبوں کووفاق کےماتحت ہونا چاہیے، انہوں نے کہا کہ بلوچستان اورپنجاب میں فرقہ واریت ہورہی ہے، جبکہ کراچی دہشت گردی کا شکار ہے۔
پرویزمشرف نے کہا کہ انہوں نے مارشل لا نہیں لگایاتھا، وہ کوئی آمرنہیں تھے، ہمیں خودپراعتماد ہوناچاہیے،ہم ایک ایٹمی قوت اینٹ کاجواب پتھرسےدینے کی طاقت ہونی چاہیے۔
انہوں نے کہا کہ فوج کوہرجگہ استعمال نہیں کرناچاہیے،سول ادارے مضبوط کرنےچاہئیں، فوجی عدالتوں پر اعتراض نہ کھیلنانہ کھیلنےدینے کےمترادف ہے۔
