نیویارک : عالمی ادارۂ صحت کے مطابق سنہ دو ہزار بیس تک ایسی سمارٹ سرنج تیار کی جائیگی، جس کا دوبارہ استعمال کسی صورت ممکن نہ ہوگا۔
لاکھوں لوگوں کی زندگی بچانے کیلئے اسمارٹ سرنج تیار کی جائیگی، عالمی ادارہ صحت کے مطابق استعمال شدہ سرنجز کا استعمال ہر سال بیس لاکھ سے زائد افراد میں ایچ آئی وی اور ہیپاٹائٹس سمیت دیگر مہلک بیماریاں پھیلانے کا باعث بنتا ہے۔
- Advertisement -
اسمارٹ سرنجیں مہنگی ہوں گی لیکن ان کا استعمال بیماری کے علاج سے سستا ہوگا، دنیا بھر میں ہر سال سولہ ارب سے زیادہ انجکشن لگائے جاتے ہیں۔
اسمارٹ سرنجز کے استعمال کے بعد ان کی سوئی ٹوٹ جانے کے بعد یا دیگر طریقوں سے اس کا دوبارہ استعمال ناممکن ہوگا۔
عام سرنج کی قیمت دو سے چار سینٹس ہے اور سمارٹ سرنج کی قیمت چار سے چھ سینٹس کے درمیان ہے
