اسلام آباد: وزیراعظم نوازشریف نے وفاقی کابینہ کا اہم اجلاس آج طلب کرلیا ہے ۔
ذرائع کے مطابق اجلاس میں ملک میں جاری سیاسی بحران کا تفصیلی جائزہ لیا جائے گا، اس کے علاوہ وزیرِاعظم تیئس ستمبر سے شروع ہونے والے دورہء امریکہ کے بارے میں کابینہ کو اعتماد میں لیں گے۔
اجلاس کے دوران بجلی کے اضافی بلوں پر کمیٹی کی رپورٹ بھی پیش کی جائے گی، اس سے قبل گزشتہ اجلاس میں وزراء نے بھی بجلی کے اضافی بلوں پر شدید احتجاج کیا تھا۔
