کرک میں مشیر جیل خانہ جات ملک قاسم کے حجرے پر دہشت گردوں نے دستی بموں سے حملہ کیا۔ ملک قاسم حملے میں محفوظ رہے۔ حکومتی وزراء اور اعلیٰ افسران دہشت گردوں کے نشانے پر ہیں، دہشت گردی کا ایک اور واقعہ کرک میں پیش آیا ۔ جہاں صبح سویرے دستی بموں سے صوبائی مشیر جیل خانہ جات ملک قاسم کے حجرہ کو نشانہ بنایا گیا۔
حملے کے نتیجے میں حجرے کی تمام دیواریں منہدم ہوگئیں۔ خوش قسمتی سےملک قاسم حملے کے وقت حجرے میں موجود نہیں تھے جس کی وجہ سےمحفوظ رہے۔ واقعے میں کسی قسم کے جانی نقصان کی اطلاع نہیں ملی۔ اطلاع ملنے پر سیکورٹی حکام نے پہنچ کر شواہد اکھٹے کئے اورتحقیقات شروع کردی۔واقعہ کا مقدمہ نامعلوم افراد کے خلاف درج کرلیا گیا ہے۔
