کراچی : رینجرز کی تحویل میں ملزم عامر سرپھٹا نے انکشاف کیا ہے کہ کراچی میں اسکول حملوں میں ایم کیوایم ملوث ہے۔ ایم کیوایم کی جانب سے آپریشن کارخ کالعدم تنظیم کی طرف موڑنےکی ہدایت کی گئی تھی۔
رینجرز ذرائع کے مطابق نائن زیروسےگرفتارعامرسرپھٹا نےدوران تفتیش انکشاف کیا ہے کہ اسکول پرکریکرحملے،دھمکی آمیزپمفلٹ پھینکنےمیں ایم کیوایم ملوث ہے۔
ایم کیوایم کی جانب سے آپریشن کارخ کالعدم تنظیم کی طرف موڑنےکی ہدایت کی گئی تھی۔۔۔ ہدایت جنوری دوہزار پندرہ میں ایم کیوایم رہنماؤں کےاجلاس میں دی گئی تھی۔
اجلاس کی صدارت حیدرعباس اور کنورنوید کر رہے تھے۔ اجلاس میں رابطہ کمیٹی انچارج کیف الوریٰ،ایم پی عدنان ، سیکٹرانچارج گلشن اقبال شاہد، سیکٹر انچارج گلستان جوہرمحبوب عالم شریک تھے ۔
جوائنٹ سیکٹرانچارج فیصل ہاشمی اورگلشن سیکٹر کا کارکن توقیربھی اجلاس میں شریک تھا۔ رینجرز ذرائع کے مطابق ملزم عامر سرپھٹا نے دوران تفتیش مزید بتایا کہ اسکول مالکان کوڈرانے کیلئے کریکرحملے کاکہا گیا ۔
چار فروری کوگلشن اقبال کےاسکول پرکریکرحملہ کر کے پمفلٹ پھینکےگئے۔ ذرائع کا کہنا ہے عامر سرپھٹا کے انکشافات کے بعد حیدرعباس رضوی کو رینجرز نے اپنے پاس بلایا۔
حیدرعباس رضوی کو کہا گیا کہ آپ کے خلاف رہنجرز کے پاس ثبوت ہیں اور جب تک تفتیش نہیں ہو جاتی آپ شہر چھوڑ کر نہیں جا سکتے۔
