اسلام آباد : سربراہ تحر یک انصاف عمران خان نے مطالبہ کیا ہے کہ پرننٹنگ پریس اور الیکشن کمیشن میں پڑا تمام ریکارڈ اوربیلٹ پیپرز محفوظ بنایا جائے اور تمام الیکشن کمشنرز فوری طور پر مستعفی ہوں تا کہ تحقیقات میں خلل نہ پڑے۔
چیئرمین تحریک انصاف عمران خان نے کہا ہے کہ الیکشن کمیشن کی جانب سے حقائق چھپانے کی مسلسل کوششیں کی جا رہی ہیں یہی وجہ ہے کہ الیکشن کمیشن کے بتائے گئے اپنے ہی اعدادو شمار میں واضح تضاد موجود ہے ۔
اسلام آباد سے جاری ایک بیان میں عمران خان نے کہا کہ قومی خزانے کے اربوں روپے خرچ کرنے والا الیکشن کمیشن سرکاری ادارہ ہونے کے باوجود سیاسی وجوہات پر حقائق چھپا رہا ہے۔
انہوں نے کہا کہ وفاقی وزیر اسحاق ڈار نے اٹھارہ اگست کو سیکرٹری الیکشن کمیشن کے ہمراہ بتایا تھا کہ 18کروڑبیلٹ پیپرز چھپوائے گئے جبکہ ہم نے28نومبر کو ثبوت دیئے کہ 53لاکھ بیلٹ پیپر زائد چھپوائے گئے۔
جبکہ اسی دن الیکشن کمیشن نے بتاتا کہ صرف آٹھ لاکھ بیلٹ پیپر زائد چھپوائے اور بعد میں یکم دسمبر کو ایک اور بیان میں ای سی پی نے تسلیم کیا کہ 93لاکھ بیلٹ پیپر زائد چھپوائے گئے۔
اس موقع پر عمران خان نے مطالبہ کیا کہ پرننٹنگ پریس اور الیکشن کمیشن میں پڑا تمام ریکارڈ اوربیلٹ پیپرز محفوظ بنایا جائے اور تمام الیکشن کمشنرز فوری طور پر مستعفی ہوں تا کہ تحقیقات میں خلل نہ پڑے۔
