امریکہ : امریکی ماہرین نے ایڈز کی جانچ کیلئے ایک ایسا آلہ تیار کیا ہے، جو صرف پندرہ منٹ میں ایچ آئی وی ایڈز کی تشخیص کرسکتا ہے۔
دنیا بھر میں تیزی سے پھیلنے والا جان لیوا مرض ایڈز کی تشخیص کیلئے امریکی ماہرین نے ایسی ڈیوائس تیار کی ہے، جو پندرہ منٹ میں ایڈز کی تشخیص کر کے نتائج بتاتی ہے ۔
- Advertisement -
ڈونگل نامی ڈیوائس کو کسی بھی اسمارٹ فون، ٹیبلٹ اور دوسرے الیکٹرانک آلات کے ساتھ منسلک کرکے استعمال کیا جاسکتا ہے۔
ڈیوائس میں پلاسٹک کلیکٹر پر اُنگلی سے خون کا قطرہ رکھا جاتا ہے ، پھر اسمارٹ فون پر ایپلی کیشن کے ذریعے ڈونگل کا ایک بٹن دبانا ہوتا ہے۔ جس کے پندرہ منٹ بعد ہی ٹیسٹ کا نتیجہ اسمارٹ فون پرآجاتا ہے۔