حکمران ہیلی کاپٹرمیں آتے ہیں،نیچے آتے ہیں تولوگ گلاپکڑتے ہیں،پرویزالٰہی

گجرات:مسلم لیگ ق کے رہنما چوہدری پرویزالہٰی کا کہنا ہےکہ حکمران دورے ہیلی کاپٹرمیں کرتے ہیں، جب نیچے آتے ہیں تولوگ گلاپکڑ لیتےہیں،ان حکمرانوں کے جا نے کےبعد ہی مسائل حل ہوں گے۔

پاکستان مسلم لیگ ق کےرہنما چوہدری پرویزالہیٰ نےگجرات میں سیلاب متاثرہ علاقوں کا دورہ کیا، چوہدری پرویز الہیٰ نے سیلاب متاثرین میں راشن اور دیگر ضروریات زندگی کی چیزیں تقسیم کیں، چوہدری پرویزالہیٰ کا کہنا تھا کہ شریف برادران ہیلی کاپٹرز میں سیلاب متاثرہ علاقوں کا دورہ کرتے ہیں، نیچے آتے ہیں تو لوگ ان کا گلا پکڑتے ہیں۔

چوہدری پرویزالہیٰ نے کہا کہ حکمرانوں کو لوگوں کےاصل مسائل نظرنہیں آتے، موجودہ حکمرانوں نے سارا پیسہ جنگلہ بس سروس پر لگا دیا۔

چوہدری پرویزالہیٰ نے مزید کہا کہ گزشتہ سیلاب میں دیئے گئے چیک بھی ابھی کیش نہیں ہوئے۔

Comments