اسلام آباد: نیپال کے زلزلہ متاثرین کے لئے پاکستان کے دو طیارے امدادی سامان لےکرکھٹمنڈو پہنچ گئے ہیں۔
دفترِ خارجہ سے جاری کردہ بیان کے مطابق پاکستان کے دوسی 130 طیارے امدادی سامان اورڈاکٹروں کی ٹیم کے ہمراہ نیپال پہنچ گئے ہیں۔
نیپال میں گزشتہ روز آنے والے ہلاکت خیز زلزلے میں جاں بحق ہونے والے افراد کی تعداد 2000 سے تجاوزکرگئی ہے جبکہ مزید جانی نقصان کا اندیشہ ہے۔
دفترِ خارجہ کے مطابق نیپال میں پھنسے پاکستانیوں کے لئے خوراک، امدادی اشیا ء اورٹرانسپورٹ کا انتظام کردیا گیا ہے، سی 130طیارے 10 سے 15 پاکستانیوں کو لے کر وطن واپس پہنچیں گے۔
نیپال کے شہریوں کے لئے بھیجے جانے والے امدادی سامان میں 30 بستروں پر مشتمل اسپتال مبھی شامل ہے جس کے ہمراہ تربیت یافتہ ڈاکٹروں کی ٹیم اور طبی ساز و سامان بھی روانہ کیا گیا ہے۔
وزیراعظم نوازشریف نے نیپالی حکام کو یقین دہانی کرائی ہے کہ مصیبت کی اس گھڑی میں پاکستانی قوم نیپال کے ساتھ ہے۔
