کراچی: آج یوم فضائیہ ملک بھر کی طرح کراچی میں بھی قومی اور ملی جوش و جذبے کے ساتھ منایا جارہا ہے دشمن کے ناپاک عزائم کو خاک میں ملا کر جام شہادت نوش کرنے والے کم عمر پائلٹ شہید راشدمنہاس کو خراج عقیدت پیش کرنے کیلئے ایئر چیف ایئر وائس مارشل سید اظہر حسن رضوی نے ان کی قبر پر پھولوں کی چادرچڑھائی۔
پاکستان ایئرفورس کی طرف سے پائلٹ آفیسر اورملک کے دفاع کیلئے اپنی جان نچھاور کرنے والے راشد منہاس شہید کی کراچی میں واقع قبر پر فاتحہ خوانی اور پھولوں کی چادر چڑھائی گئی۔،
اس موقع پر ایئر چیف ایئر وائس مارشل ایئر کمانڈ پی اے ایف کی قیادت میں پی اے ایف کے دستے نے ایئر چیف مارشل طاہر رفیق بٹ ، چیف آف دی ایئر اسٹاف اور پاکستان ایئرفورس کی جانب سے نوجوان پائلٹ کی قربانی پر خراج عقیدت پیش کیا، جنھوں نے مادر وطن کی حفاظت کیلئے اپنی جان کا نذرانہ پیش کرکے ایک عظیم مثال قائم کی۔
انہوں نے کہا کہ افواج پاکستان اپنے شہداء اور غازیوں کی یاد میں یوم دفاع مناتی ہے جنھوں نے 1965ء کی جنگ میں دشمن کے ناپاک عزائم کو خاک میں ملایا اور اپنی جرأت و جذبے کو بے مثال یادیں قائم کیں۔
