اسلام آباد : قومی احتساب بیورو ( نیب) نے 190 ملین پاؤنڈ اسکینڈل کیس میں چیئرمین پی ٹی آئی کی اہلیہ بشریٰ بی بی کو 7 جون کو طلب کرلیا۔
تفصیلات کے مطابق 190 ملین پاؤنڈ اسکینڈل کیس کی تحقیقات کے لئے قومی احتساب بیورو ( نیب) نے چیئرمین پی ٹی آئی کی اہلیہ بشریٰ بی بی کو 7 جون کو طلب کرلیا۔
نیب نے القادر یونیورسٹی کے حوالے سے تمام دستاویزات بھی ساتھ لانے کی ہدایت کی گئی ہے اور عطیات دینے والوں کی فہرست سمیت یونیورسٹی کےاخراجات کی بھی تفصیل طلب کی ہے۔
یاد رہے دو روز قبل احتساب عدالت میں 190 ملین پاؤنڈز کے کیس میں چیئرمین پی ٹی آئی کی اہلیہ بشریٰ بی بی عدالت میں پیش ہوئیں تھیں۔
ڈپٹی پراسیکیوٹر نیب کا کہنا تھا کہ نیب کو دبانے کی کوشش کی جارہی ہے لیکن نیب کسی دباؤ میں نہیں آئے گا قانون کے مطابق کام کرے گا، نیب نے نہ تو کوئی چھاپہ مارا نہ وارنٹ جاری کیے، نیب کا کسی سے ذاتی مسئلہ نہیں قانون کے مطابق تفتیش کریں گے۔
تفتیشی افسر نے بتایا تھا کہ بشریٰ بی بی کی گرفتاری کی ضرورت نہیں، تفتیشی افسر کے بیان کے بعد عدالت نے بشریٰ بی بی کی درخواست ضمانت غیر موثر قرار دے دی تھی۔
