پاکستانی سوشل میڈیا انفلوئنسر دنانیر مبین کی ’پاوری ہورہی ہے‘ کی ویڈیو وائرل ہوئی تھی اسی انداز میں مختلف ویڈیو پاکستان سمیت بھارت میں بھی بنائی گئی تھیں۔
سوشل میڈیا پر ایک ویڈیو وائرل ہورہی ہے جس میں بھارتی ریاست مدھیہ پردیش کے ریوا ضلع میں چار افراد کو پولیس کے مخبر ہونے کے شبے میں اپنے دوست کو بری طرح پیٹتے ہوئے دیکھا جاسکتا ہے۔
ویڈیو میں دیکھا جاسکتا ہے کہ لڑکے اپنے دوست کو ’پاوری ہورہی ہے‘ کے انداز میں مار رہے ہیں اور کہہ رہے ہیں کہ ’یہ ہمارا دوست ہے، مارو پارٹی ہورہی ہے۔‘
ویڈیو میں، ایک لڑکے کو مقامی بولی میں یہ کہتے ہوئے سنا گیا، "یہ میں ہوں، یہ میرے دوست ہیں اور ہم پارٹی کر رہے ہیں”۔ جیسے ہی وہ جملہ مکمل کرتا ہے، تمام لڑکے چیختے ہیں اور متاثرہ لڑکے کو مارنا شروع کردیتے ہیں۔
Madhya Pradesh: Four youths beat up a youth in Rewa, record video with 'Pawri ho rahi hai' meme Rewa. A video has gone viral on social media. pic.twitter.com/4D5MZ4MOrw
— Free Press Journal (@fpjindia) December 1, 2021
متاثرہ لڑکے امیت پانڈے کا کہنا تھا کہ وہ اپنے آبائی گاؤں کھجوا جارہا تھا کہ رات کے وقت لڑکوں پرنس پٹیل، سورج پرجاپتی، پنڈت اور شاداب نے اسے روکا اور مارا۔
پولیس کا کہنا ہے کہ متاثرہ شخص کی شکایت پر چار ملزمان کے خلاف مقدمہ درج کرلیا گیا ہے۔
