اسلام آباد : پانچ معروف کمپنیوں کی جعلی ادویات تیار ہونے کے انکشاف کے بعد ڈائریکٹوریٹ آف ڈرگ کنٹرول پنجاب نے مارکیٹ سے جعلی ادویات قبضے میں لینا شروع کردیں۔
تفصیلات کے مطابق 5 معروف کمپنیوں کی جعلی ادویات تیار ہونے کا انکشاف سامنے آیا ، جس کے بعد ڈائریکٹوریٹ آف ڈرگ کنٹرول پنجاب نے کارروائی کرتے ہوئے مارکیٹ سے جعلی ادویات قبضے میں لینا شروع کردیں۔
ڈائریکٹوریٹ آف ڈرگ کنٹرول پنجاب نے پانچ ادویات کے مخصوص بیچ کا استعمال روکنے کا حکم دے دیا، معروف بین الاقوامی کمپنی فائزر اور گلیکسو سمتھ کلائن کی جعلی ادویات بھی تیار کی گئی۔
ڈرگ کنٹرول پنجاب نے کہا کہ بیکٹیریل انفیکشن، ذہنی تناو کی ادویات جعلی تیار کی گئی ، ادویات کی ٹیسٹنگ کے بعد جعلی ہونے کی نشاندہی ہوئی، جعلی ادویات تیار کرنے والوں کے خلاف ایف آئی آر دے دی گئی، ڈی جی ڈرگ کنٹرول
ڈی جی ڈرگ کنٹر کا کہنا تھا کہ جعلی ادویات تیار کرنے والوں کی گرفتاری کے لیے چھاپے مارے جارہے ہیں، جعلی ادویات تیار کر کے مخصوص بیچ نمبر بھی لگائے گئے۔
