واشنگٹن: امریکی صدر ڈونلڈ ٹرمپ نے اپنے خلاف نیویارک ٹائمز کی حالیہ رپورٹ پر اخبار کو عوام دشمن قرار دے دیا۔
تفصیلات کے مطابق سماجی رابطے کی ویب سائٹ ٹویٹر پر امریکی صدر ٹرمپ نے امریکی نشریاتی ادارے نیویارک ٹائمز کی رپورٹ پر ردعمل دیتے ہوئے کہا کہ نیویارک ٹائمز کی رپورٹ جھوٹ پر مبنی ہے اور یہ لوگ عوام کے دشمن ہیں۔
The New York Times reporting is false. They are a true ENEMY OF THE PEOPLE!
— Donald J. Trump (@realDonaldTrump) February 20, 2019
ڈونلڈ ٹرمپ کی جانب سے نیویارک ٹائمز کے خلاف بیان منظر عام آنے کے بعد نیویارک ٹائمز نے جواب دیا کہ ’ہم اپنی تحقیقاتی رپورٹ پر ثابت قدم ہیں جس کی تیاری میں وائٹ ہاؤس کے خفیہ دستاویزات، سابق اور موجودہ حکومتی حکام اور صدر کے قریبی ساتھیوں کا تعاون شامل رہا۔
واضح رہے کہ نیویارک ٹائمز کی جانب سے 19 فروری کو ایک رپورٹ شائع کی گئی تھی جس میں ٹرمپ کی صدارتی مہم کے دوران روس کی مبینہ مداخلت کی تحقیقات اور ایف بی آئی کے سابق سربراہ رابرٹ مولر سے متعلق انکشاف کیے گئے۔
We stand by our investigation, which was rigorously reported and based on a review of confidential White House documents as well as interviews with dozens of current and former government officials and others close to President Trump. https://t.co/yG4mDpHpnU
— NYTimes Communications (@NYTimesPR) February 20, 2019
نیویارک ٹائمز نے دعویٰ کیا تھا کہ وائٹ ہاؤس کے وکیل نے ایک خفیہ میمو تحریر کیا جس میں ڈونلڈ ٹرمپ کی جانب سے اپنے پہلے قومی سلامتی کے مشیر مائیکل فلین کے خلاف جھوٹی خبریں پھیلانے پر خدشات کا اظہار کیا گیا۔
رپورٹ کے مطابق ری پبلکن قانون سازوں سے رابرٹ مولر کی تحقیقات کے خلاف مہم چلانے کے لیے خفیہ رابطہ قائم کیا۔
عالمی نشریاتی ادارے سی این این کے پروگرام میں ایف بی آئی کے سابق ڈائریکٹر اینڈریو میک نے اپنے انٹرویو میں کہا کہ یہ ممکن ہے کہ ڈونلڈ ٹرمپ روس کے ایجنڈ ہوں۔
