جے پور: بھارتی فضائیہ کا لڑاکا طیارہ مِگ 21 تربیتی پرواز کے دوران راجستھان میں گر کر تباہ ہو گیا۔
تفصیلات کے مطابق بھارتی ایئر فورس کا ایک جنگی طیارہ گر کر تباہ ہو گیا، طیارے میں سوار دونوں پائلٹ ہلاک ہو گئے۔
بھارتی میڈیا کے مطابق انڈین ایئر فورس کا لڑاکا طیارہ مگ ٹوئنٹی ون راجستھان کے ضلع برمیر میں جمعرات کی شب حادثے کا شکار ہوا۔
طیارے نے راجستھان کی اترلئی ایئر بیس سے رات 9 بج کر 10 منٹ پر تربیتی پرواز کا آغاز کیا اور کچھ ہی دیر بعد ضلع برمیر کے بیمدا گاؤں کے قریب گر کر تباہ ہو گیا۔
MiG 21 fighter jet of Air Force crashes in Rajasthan. Barmer DM Lok Bandhu joins with the latest updates.
Watch full show: https://t.co/KYDjzfCepN#IndiaFirst #ITHighlights | @gauravcsawant pic.twitter.com/rb2t6ppzOx— IndiaToday (@IndiaToday) July 28, 2022
مگ ٹوئنٹی ون کے زمین سے ٹکراتے ہی زور دار دھماکا ہوا اور طیارے میں آگ بھڑک اٹھی۔
ویڈیو: بھارتی خاتون پائلٹ کا طیارہ گر کر تباہ
حادثے کی اطلاع ملتے ہی پولیس اور ریسکیو اہل کاروں نے جائے وقوعہ پر پہنچ کر ریسکیو آپریشن شروع کیا، دوسری جانب بھارتی فضائیہ نے طیارہ حادثے کی تحقیقات کا آغاز کر دیا ہے۔