آف اسپنر ناتھن لائن نے بھارت کے اندور ٹیسٹ میں تباہ کن بولنگ کرتے ہوئے ٹیم کو وننگ ٹریک پر ڈال دیا۔
مایہ ناز اسپنر نے مجموعی طور پر میچ میں 11 وکٹیں حاصل کر کے بارڈر گواسکر ٹرافی میں سب سے زیادہ وکٹیں حاصل کرنے کا اعزاز بھی حاصل کر لیا ہے۔
ناتھن لائن 113 وکٹوں کے ساتھ سرفہرست آگئے ہیں اور انہوں نے بھارت کے انیل کمبلے کو پیچھے چھوڑ دیا ہے جو 111 وکٹوں کے ساتھ ٹاپ وکٹ ٹیکر تھے۔
- Advertisement -
اس فہرست میں روی چندرن ایشون 106 وکٹوں کے ساتھ تیسرے نمبر ہیں۔
اسپنرز کے لیے سازگار پچ پر بھارت پہلے ہی روز صرف 109 رنز پر آل آؤٹ ہو گیا تھا جب کہ آسٹریلیا 197 رنز تک محدود رہا۔
آسٹریلیا کو تیسرا ٹیسٹ جیتنے کے لیے تیسرے روز چھہتر رنز درکار ہیں۔ یہ آسٹریلیا کی دورہ بھارت میں پہلی فتح ہو گی۔ اس سے قبل دونوں میچوں میں کینگروز کا شکست کا سامنا کرنا پڑا تھا۔
