مکہ مکرمہ: بیت اللہ کے عین سامنے عظیم الشان عمارت مکہ کلاک ٹاور بادلوں میں چھپ گیا ، دلکش مناظر کی تصاویر سوشل میڈیا پر وائرل ہوگئی۔
تفصیلات کے مطابق بیت اللہ کے عین سامنے عظیم الشان عمارت مکہ کلاک ٹاور کو بادلوں نے ڈھانپ لیا، دلکش مناظر کی تصاویر سوشل میڈیا پر وائرل ہوگئی ، جسے دیکھ کر یوں محسوس ہوتا ہے کہ بادلوں کے جھرمٹ میں کلاک ٹاور سے روشنی نکل رہی ہے۔
پروفیشنل فوٹو گرافروں نے یہ مناظر کیمروں میں قید کرکے سوشل میڈیا پر شیئرکئے ، جس پر ۔سوشل میڈیا صارفین نے ان تصاویر کو ’حیرت انگیز شاہکار‘ قرار دیا۔
خیال رہے ہر سال موسم برسات میں مکہ کلاک ٹاور بادلوں میں چھپ جاتا ہے، یہ خوبصورت منظر ہر سال دیکھا جاتا ہے جسے لوگ اپنے کیمروں میں محفوظ کرلیتے ہیں۔
یاد رہے مکہ کلاک ٹاور پر نصب گھڑی دنیا کی بڑی گھڑیوں میں سے ایک ہے ، کلاک ٹاور کی تعمیر2013 میں مکمل ہوئی تھی اس کی بلندی 607 میٹر ہے جبکہ ٹاور کی چھت پر سہنرا ہلال بنا ہے جس میں نصب خصوصی لائٹیں میلوں دور سے دکھائی دیتی ہیں۔
کلاک ٹاور میں تقریبا 21 ہزار ایل ای ڈیز نصب کی گئی ہیں، جو ہر اذان کے وقت روشن ہوتی ہیں جس سے دور سے ہی انہیں دیکھ کر نماز کے وقت کا پتا چل جاتا ہے۔
