قومی کرکٹر صہیب مقصود نے نوجوان کھلاڑیوں سے متعلق تبصرہ کرنے پر صحافی کو جواب دے دیا۔
شارجہ میں جاری ٹی 20 سیریز میں افغانستان کے خلاف نوجوان کھلاڑی ناکام ثابت ہوئے تو سابق کرکٹرز سمیت صحافیوں نے نوجوان ٹیم پر تنقید کی جس پر صہیب مقصود نے جواب دے دیا۔
صحافی نے لکھا کہ ’آپ سے اپیل ہے کہ پلیز ایک دو اننگز کے بعد کسی نئے کھلاڑی کو سعید انور، ویوین رچرڈز یا عبدالرزاق سے نہ ملایا کریں۔
انہوں نے لکھا کہ ’انہیں تسلسل کے ساتھ پرفارم کرنے دیں کچھ بن جائیں تو موازنے کی ضرورت ہی نہیں پڑے گی، ابھی ہم ٹی وی پر پی ایس ایل کی کارکردگی دیکھ کر پلیئرز کو بریڈمین سمجھنے لگتے ہیں۔
صحافی کے ٹوئٹ پر صہیب مقصود نے لکھا کہ ’ویسے سعد انور بھی پہلی دو اننگز میں ’ڈک‘ کیے تھے شکر ہے اس وقت ٹوئٹر نہیں تھا۔‘
واضح رہے کہ افغانستان نے پاکستان کے خلاف ٹی 20 سیریز میں 2-0 کی فیصلہ کن برتری حاصل کرلی ہے، قومی ٹیم کو دونوں ٹی 20 میں شکست کا سامنا کرنا پڑا۔
ذرائع کا بتانا ہے کہ نیوزی لینڈ کے خلاف ہوم سیریز میں بابر اعظم ہی ٹیم کی قیادت کریں گے۔
