کراچی: شہر قائد میں بلدیاتی انتخابات کے منتخب اراکین آج حلف اٹھائیں گے۔
تفصیلات کے مطابق کراچی کے 239 یو سی چیئرمین، وائس چیئرمین، اور وارڈ ممبرز کی حلف برداری کی تقریب آج ہوگی، کورنگی میں حلف برداری کی تقریب کوسٹ گارڈ چورنگی ڈگری کالج ڈھائی نمبر میں دوپہر 12 بجے منعقد ہوگی۔
ضلع شرقی میں حلف برداری کی تقریب ڈی سی آفس میں صبح 10 سے دوپہر 3 بجے تک جاری رہے گی، ضلع جنوبی میں بھی حلف برداری ڈی سی کمپلیکس میں صبح 11 اور دوپہر 3 بجے منعقد ہوگی۔
ضلع کیماڑی میں صبح 11 بجے حلف برداری کی تقریب پیراڈائز بینکوئٹ حب ریور روڈ میں ہوگی، ضلع غربی کے بلدیاتی نمائندوں کے لیے حلف برداری تقریب ڈپٹی کمشنر آفس غربی میں 11 بجے ہوگی۔
ضلع وسطی میں صبح 10 بجے کمپری ہینسیو اسکول بلاک 8 عزیز آباد میں 12 بجے ہوگی، سیکٹر 5 ای نیو کراچی میں 1 بجے کراچی میڈیکل اینڈ ڈینٹل کالج بلاک ایم نارتھ ناظم آباد میں ہوگی۔
ضلع وسطی میں ایک بجے میجر ضیاالدین اسکول ناظم آباد نمبر 2 اور 1:30 پر لیاقت آباد 10 نمبر پر ہوگی، ضلع ملیر میں صبح 11 بجے رائل بینکوئٹ بالمقابل ملیر کورٹ پر مختلف اوقات میں بلدیاتی نمائندوں کو بلایا گیا ہے۔
