دہلی: بھارتی پولیس کو وزیراعظم نریندرا مودی اور احمد آباد کے نریندرا مودی اسٹیڈیم کو دھماکے سے اڑانے والی دھمکی آمیز ای میل موصول ہوئی ہے۔
تفصیلات کے مطابق بھارتی پولیس کا کہنا ہے کہ انہیں ورلڈکپ سے متعلق دھمکی آمیز ای میل موصول ہوئی ہے، جس میں بھارتی وزیر اعظم اور احمدآباد میں نریندر مودی اسٹیڈیم کو بم سے اڑانے کی دھمکی ملی ہے۔
بھارتی پولیس کا کہنا ہے کہ دھمکی آمیز ای میل کا جائزہ لے رہے ہیں، یاد رہے کہ پاک بھارت میچ 14 اکتوبر کو احمد آباد کے نریندر مودی اسٹیدیم میں شیڈول ہے۔
- Advertisement -
بھارتی پولیس کا کہنا ہے کہ ورلڈکپ کے میچز کی سکیورٹی کو ریویو کریں گے، ضرورت پڑنے پر سکیورٹی بڑھائی جائے گی۔
