ایکس (سابقہ ٹوئٹر) اکاؤنٹ ہیک ہونے پر برازیل کے صدر کی اہلیہ نے ایلون مسک کو کھری کھری سنادیں۔
بین الاقوامی خبر رساں ادارے کی رپورٹ کے مطابق اکاؤنٹ ہیک ہونے کی ذمے داری نہ لینے پربرازیل کی خاتون اول روزانجیلا دا سلوا نے کمپنی کے مالک ایلون مسک پر شدید برہمی کا اظہار کیا۔
انہوں نے کہا کہ ایلون مسک اس سنگین واقعے کو توجہ نہیں دیتے جو نہ صرف مجھے متاثر کرتا ہے بلکہ ان کے پلیٹ فارم پر ہر روز ہزاروں خواتین اس سے متاثر ہوتی ہیں۔
اس سے قبل بھی 11 دسمبر کو برازیل کے صدر کی اہلیہ کا اکاؤنٹ ہیک کر کے اس پر فحش تصاویر اور صدر کے لیے تنقیدی پیغامات لکھ دیئے گئے تھے۔
برازیل کی خاتون اول نے رواں ہفتے (ایکس) کمپنی پر مقدمہ کرنے کی دھمکی بھی دی تھی اور دعویٰ کیا تھا کہ اکاؤنٹ منجمد کرنے، پوسٹس کو ہٹانے اور اکاؤنٹ تک دوبارہ رسائی حاصل کرنے میں مدد کرنے کی درخواستوں پر جواب دینے کا عمل انتہائی سست روی کا شکار تھا۔
پاکستان کا اقوام متحدہ سے دہشتگردوں کے پاس جدید امریکی فوجی اسلحے کی تحقیقات کا مطالبہ
دوسری جانب ایکس کمپنی کے مالک ایلون مسک کا رد عمل بھی سامنے آگیا ہے جس میں اُن کا کہنا تھا کہ ان کی کمپنی پر کوئی الزام نہیں ہے، یہ واضح نہیں کہ کیسے کوئی یہ اندازہ لگا رہا ہے کہ اس کے ای میل کا پاس ورڈ کمپنی کی ذمے داری ہے۔
