ایف آئی اے کمرشل بینکنگ سرکل کراچی نے بڑی کارروائی کرتے ہوئے بینکنگ فراڈ میں ملوث اشتہاری ملزم کو گرفتار کرلیا۔
تفصیلات کے مطابق ملزم نجی بینک میں جعلی اکاونٹس کھلوانے میں ملوث تھا، ملزم نے نجی بینک اسٹاف کی ملی بھگت سے شکایت کنندہ کے نام پر جعلی بینک اکاونٹ کھلوایا۔
ایف آئی اے ترجمان کا کہنا ہے کہ ملزم نے جعلی چیک بک حاصل کر کے مختلف رقوم کے چیک جاری کئے جو کہ بعد میں باونس ہو گئے تھے، ملزم کے خلاف مقدمے کے اندراج کے لئے معزز عدالت نے آرڈر جاری کئے تھے۔
- Advertisement -
ترجمان ایف آئی اے کے مطابق ملزم محمد فیاض کے خلاف سال 2020 میں مقدمہ درج ہوا تھا۔ملزم کو کراچی سے گرفتار کیا گیا۔
ترجمان نے مزید بتایا کہ ملزم گزشتہ 2 سال سے روپوش تھا، ملزم کی گرفتاری کے لئے متعدد بار چھاپے مارے گئے، ملزم کو گرفتار کر کے تفتیش کا آغاز کر دیا گیا۔
