پاکستان مسلم لیگ (ن) کے رہنما کیپٹن (ر) محمد صفدر نے کہا ہے کہ اچھی بات ہے پی ٹی آئی کو احساس ہوا کہ مولانا ایک سیاسی قوت ہیں۔
تفصیلات کے مطابق پاکستان مسلم لیگ (ن) کے رہنما کیپٹن (ر) محمد صفدر نے ایک بیان میں کہا کہ اچھی بات ہے پی ٹی آئی کو احساس ہوا مولانا ایک سیاسی قوت ہیں، سیاسی لوگ ایک دوسرے کو ملتے ہیں یہ جمہوریت کا حسن ہے، علما کی عزت بحال ہو گئی ہمارے لیے یہی خوشی ہے۔
کیپٹن (ر) صفدر سے صحافی نے سوال کیا کہ یہ حکومت کیسے چل سکے گی جس طرح اتحاد ہو رہا ہے، انہوں نے جواب دیا کہ پہلے حکومت بننے تو دیں، جب بچہ پیدا ہوگا تو اس کا نام رکھیں گے پھر بتائیں گے کتنا چلے گا۔
انہوں نے کہا کہ میاں صاحب کبھی بھی پارلیمانی سیاست سے الگ نہیں ہوں گے، قائد اعظم، ذوالفقار علی بھٹو اور میاں صاحب قوم کا درد رکھنے والے لوگ ہیں، میاں صاحب پاکستان کے لیے ہیں انہوں نے سارا کچھ ملک کے لیے قربان کیا۔
کیپٹن (ر) صفدر نے مزید کہا کہ نواز شریف اور توانا بن کر آئے ہیں، میاں صاحب پاکستان کی سیاست کو اچھی طرح سنبھالیں گے، یہ کرسیاں یہ پروٹوکول اہمیت نہیں رکھتے۔