واشنگٹن: امریکی محکمہ خارجہ کی اردو زبان کی ترجمان نے ایک تبصرے میں کہا ہے کہ یوکرین کو ہتھیاروں کی سپلائی پاکستان کا اندرونی معاملہ ہے۔

تفصیلات کے مطابق امریکی محکمہ خارجہ کی اردو زبان کی ترجمان مارگریٹ مکلاؤڈ نے وائس آف امریکا سے گفتگو کرتے ہوئے کہا کہ پاکستان کس ملک کو ہتھیار دے گا اور کسے نہیں؟ یہ فیصلہ اسے خود کرنا ہے۔

انھوں نے کہا امریکا چاہتا ہے کہ دنیا روس کو ہتھیار فروخت نہ کرے جو وہ یوکرینی شہریوں پر برسا رہا ہے، امریکا کے نقطہ نظر سے دیکھیں گے تو ہم سمجھتے ہیں کہ یوکرین کی مدد کرنا اچھی بات ہے۔

مارگریٹ نے کہا کہ روس اس وقت ایرانی اور شمالی کورین ہتھیار یوکرین کے خلاف استعمال کر رہا ہے۔

Comments