کراچی: پاکستانی اداکارہ اور ماڈل حریم فاروق نے کہا ہے کہ 2013 میں ہونے والے کار حادثے نے ان کی زندگی بدل دی۔
اے آر وائی نیوز کے پروگرام ہر لمحہ پرجوش میں میزبان وسیم بادامی نے معروف پاکستانی اداکارہ حریم فاروق سے کار حادثے سے متعلق سوال کیا جس پر انہوں نے کہا کہ 2013 کے آخر میں ان کا خطرناک ایکسیڈنٹ ہوا تھا جس نے ان کی زندگی تبدیل کر دی، اس حادثے کے بعد سے انہوں نے سیٹ بیلٹ پہننا کبھی نہیں چھوڑی۔
حریم فاروق نے بتایا کہ حادثے میں میرے سیدھے بازو کی ہڈی ٹوٹ گئی تھی۔ اداکارہ کا کہنا تھا کہ میرے پہلے پروجیکٹ کے وقت یہ حادثہ پیش آیا اور اس کے بعد میں ڈپریشن میں تھی۔
- Advertisement -
نامور اداکارہ نے بتایا ان کی فیملی اور دوستوں نے انہیں حادثے کے بعد ڈپریشن سے نکلنے میں مدد کی۔انہوں نے مزید کہا کہ اس حادثے نے انہیں خدا سے بہت قریب کر دیا۔
