رمضان کا مبارک مہینہ اپنے اختتام کو پہنچ رہا ہے۔ اس دوران یقیناً آپ نے اپنے اہل خانہ کے لیے بہت سی ڈشز بنائی ہوں گی اور ان سے داد پائی ہوگی۔
آج ہم ایسی ہی ایک اور لذیذ ڈش افغانی کباب بنانے کی ترکیب بتا رہے ہیں۔
اجزا
قیمہ: 1 کلو
پیاز: 1 عدد
شملہ مرچ: 1 عدد
ٹماٹر: 1 عدد
ہری مرچ: 3 عدد
ہرا دھنیہ: نصف کپ
ثابت دھنیہ: 1 کھانے کا چمچ
ثابت زیرہ: 1 کھانے کا چمچ
کٹی لال مرچ: 1 کھانے کا چمچ
نمک: حسب ذائقہ
بیسن: چوتھائی کپ
انار دانہ: 2 کھانے کے چمچ
ترکیب
پیاز، شملہ مرچ، ٹماٹر اور ہری مرچ کو باریک چوپ کر کے قیمہ میں مکس کریں۔
ساتھ ہی نمک، کٹی لال مرچ، بیسن، انار دانہ اور باقی تمام اجزا شامل کر کے اچھی طرح مکس کریں۔
اب قیمہ کو سیخ پر لگا کر باربی کیو کرلیں یا پتیلی میں ہلکا سا تیل ڈال کر فرائی کرلیں۔
مزیدار افغانی کباب تیار ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
