اسلام آباد : مسلم لیگ ن کے رہنما اور سابق وفاقی وزیر احسن اقبال نے چینی برآمد کرنے کی ذمہ داری نوید قمر کی وزارت پر ڈال دی۔
تفصیلات کے مطابق مسلم لیگ ن کے رہنما اور سابق وفاقی وزیر احسن اقبال نے نجی ٹی وی چینل کے پروگرام میں ملک میں چینی کی بڑھتی ہوئی قیمتوں کا ذمہ دار نوید قمر کو ٹھرادیا۔.
احسن اقبال کا کہنا تھا کہ چینی برآمد کرنے کی اجازت پیپلزپارٹی کے نوید قمر کی وزارت تجارت نے دی، ہماری ایک اتحادی حکومت تھی اس لیے ساری ذمہ داری ن لیگ نہیں اٹھا سکتی۔
- Advertisement -
دوسری جانب پیپلزپارٹی کے رہنما اور سابق وزیر تجارت نوید قمر نے چینی برآمد کرنے کے فیصلے کو درست قرار دے دیا۔
نوید قمر کا کہنا تھا کہ ہمارے پاس چینی کی اضافی مقدار موجود تھی اس لیے ایکسپورٹ کی اجازت دی، ذخیرہ اندوزوں کو پکڑنے اور اسمگلنگ روکنے تک چینی کا مسئلہ حل نہیں ہوگا۔
